Li quens Rolans, par peine e par ahans,
Par grant dulor, sunet son olifan.
Par mi la buche en salt fors li clerc sancs,
De sun cervel li temple en est rumpant.
Del corn qu'il tient l'oïe en est mult grant;
Karles l'entend ki est as pors passant:
Naimes li duc l'oïd, si l'escultent li Franc.
Ce dist li reis: Jo oï le corn Rolant!…
Unc ne l' sunast, se ne fust cumbatant.
Guesnes respunt: De bataille est il nient.