Masinissa.
Envoiez ce pendant les autres: car il ne serviroit de rien de haster tant la Royne, et l'homme saige ne doit jamais faire chose qui ne serve.
Lelius.
Serve ou non serve je l'y veux resoluement envoyer.
Masinissa.
Lelius, ne me faictes point un si grand desplaisir, car le tort et desplaisir desplaist mesmes à Dieu.
Lelius.
Quel tort et quel desplaisir vous fais-je faisant ce qui est raisonnable de faire des prisonniers?
Masinissa.
Ceste cy ne se doit nullement mettre au rang des prisonniers, car elle est ma femme.