SCENA PRIMA.[→]
DISCIPULI.[→] Cur obscurum, pater, vultum nec solito geris, Paphnuti, serenum?
PAPHNUTIUS.[→] Cujus cor contristatur, ejus et vultus obscuratur.
DISCIPULI.[→] Pro qua re contristaris?
PAPHNUTIUS.[→] Pro injuria Factoris.
DISCIPULI.[→] Quæ hæc injuria?
PAPHNUTIUS.[→] Ipsam quam a propria patitur creatura ad sui imaginem condita.
DISCIPULI.[→] Terruisti nos dictu.
PAPHNUTIUS.[→] Licet illa impassibilis majestas affici non possit injuriis, tamen, ut suum[290] nostræ fragilitatis metaphorice transferam in Deum, quæ major injuria dici potest, quam, quod ejus imperio, cujus gubernaculis major mundus obtemperanter subditur, solus minor contra luctetur?