ANTIOCHUS.[→] Nequaquam.
HADRIANUS.[→] Et quid?
ANTIOCHUS.[→] Hortare puellulas, et si renitantur, infantiæ ne parcas, sed fac ut illæ necentur, quo rebellis mater funeribus natarum acrius torqueatur.
HADRIANUS.[→] Faciam quæ hortaris.
ANTIOCHUS.[→] Ita demum prævalebis.
HADRIANUS.[→] Fides, intuere venerabilem magnæ Dianæ imaginem, et fer sacræ deæ libamina, quo possis uti ejus gratia.
FIDES.[→] O stultum imperatoris præceptum omni contemptu dignum!
HADRIANUS.[→] Quid murmuras subsannando? Quem irrides fronte rugosa?
FIDES.[→] Tui stultitiam irrideo, tui insipientiam subsanno.
HADRIANUS.[→] Mei?