SAPIENTIA.[→] Qui te in meo utero vivificavit, ipse suscipiat animam, quam cœlitus inspiravit.
CARITAS.[→] Tibi, Christe, gloria, qui me ad te vocasti cum martyrii palma.
SAPIENTIA.[→] Vale, proles dulcissima, et cum Christo jungeris in cœlo, memento matris jam matronæ effetæ[388] te parientis.
SCENA OCTAVA.[→]
SAPIENTIA.[→] Convenite, illustres matronæ, et mearum cadavera filiarum mecum sepelite.
MATRONÆ.[→] Corpuscula aromatibus condimus, et exequias honorifice celebramus.
SAPIENTIA.[→] Grandis benignitas et mira pietas, quam mihi inpenditis meique mortuis.
MATRONÆ.[→] Quæ tibi sunt commoda exequimur mente devota.