le signeur de Chaumont, le signeur de Monferrant
et le captal de Beus, ses cousins, fist moustrer tant
25de bonnes raisons au dit prince, que il eut voie et
accès de parler à lui. Et quant il fu par devant lui, il
s’escusa si sagement et si bellement que li princes et
ses consaulz le tinrent pour bien escusé, et revint en
l’amour dou prince comme en devant. Et passèrent
30toutes ses gens parmi raençons couvignables et raisonnables.
Et fu mis li chastellains d’Amposte à finance,
parmi dix mil frans qu’il paia.