[70] Depuis commença à trettier li cardinaulz sus le
delivrance dou roy et à mettre grandes pareçons
avant; mès je m’en passerai briefment, pour tant
que riens n’en fu fait. Ensi se tenoient et tinrent
5toute le saison ensievant jusques au quaresme, li princes
de Galles, li Gascon et li Englès en le cité de
Bourdiaus, en grant solas et en grant revel; et despendoient
follement et largement cel or et cel argent
que il avoient gaegniet et que leurs raençons leur
10valoient.