force.» Li dus ot de ceste parolle grant mervelle, et
10appella de ses chevaliers le conte de Vendome, le conte
de Genève, messire Jehan et messire Pière de Buel,
mesire Meurisse Mauvinet et les autres, et recorda che
que chils maistres encantères dissoit, liquel de ceste
parolle estoient tout esmervilliet et s’asentoient assés
15à ce que on le cruist. Adont demanda li dus d’Ango à
celli et li dist: «Biaux maistres, et sus ce pont que
vous dites que vous ferés, se poront nos gens asseurer
de aler sus jusques au castiel pour asaillir?»