—«Monsigneur, respondi li encantères, tout ce ne vous
20oseroie je pas asseurer, car, se il i avoit nuls de ceulx
qui sus le pont passeroient, qui fesist le signe de le
crois, tout iroit à noient, et cil qui seroient sus,
trebuceroient en la mer.» Adont commencha li dus à
rire, et lors respondirent aucun jone chevalier et
25escuier qui là estoient, et dissent: «Ha! monsigneur,
pour Dieu laissiés le faire. Nous ne ferons pas le signe
de le crois, et plus legierement ne poons nous avoir
vos ennemis.» Dist li dus d’Ango: «Je m’en consillerai.»