[203] Zellandes vivres en tonniaux, farines et pains quis,
qui moult les reconfortoient, et eussent esté trop plus
tos desconfit que il ne fuissent, se chela n’euist esté et
li reconfors des païs dessus dis. Il estoit deffendu en
5Braibant de par le duc que sus la teste on ne leur
menast riens, mais, se il le venoient querre à leur
peril, on leur pooit bien vendre ou donner. Dont il
avint ens ou quaresme que il furent en Gand à trop
grant destroit, car des vivres de quaresme n’avoient
10il nuls.