Ut dulci patriæ durus non tangar amore,
Totque procul menses exul ut esse velim.
Quid namque exilium est aliud, quam sidera nota,
Quam patriam, et proprios deseruisse lares ?
Annua ter rapidi circum acta est orbita solis,
Ex quo tam longas cogor inire vias :
Ignotisque procul peregrinus degere tectis,
Et Lyrii tantum vix meminisse mei,
Atque alios ritus, aliosque ediscere mores,
Fingere et insolito verba aliena sono.