At quid Romana (dices) speciosius Aula,
Aut quisnam toto pulchrior orbe locus ?
Roma orbis patria est, quique altæ mœnia Romæ
Incolit, in proprio degit et ille solo.
Forsan et est Romæ (quod non contingere cuivis
Hic solet externo) vivere dulce mihi :
Est cui purpurei patruus pars magna Senatus,
Atque idem Aonii pars quoque magna chori,
Qui nostras ornetque bonus, foveatque Camœnas,
Arceat a nostro pauperiemque lare.