A Oudin de Jouy, charpentier, demourant à Bloys, lequel est venu de ladicte ville de Bloys en ceste ville de Chartres pour veoir la pante et serrure des cloches de la dicte eglise, 22 s. 6 d.
Jeudi 24e jour d'octobre, fut faicte procession generale en l'eglise de Saint-Père-en-Valée, en laquelle furent portés par 8 chappellains la Vraye Croix, le joyau donné par feu le Roy Charles, le chief sainte Anne et le chief saint Lubin, à chacun, 15 d.:—pour porter 8 torches, 4 s. 4 d.;—pour les 2 croix et le messel, 20 d.;—pour la sonnerie de Gabriel faicte durant la procession, 8s. 4 d.
Le venredi ensuivant, fut faicte procession à l'entour du cuer de l'eglise, en laquelle fut portée la saincte châsse, et après fut dicte et celebrée une messe devant l'ymage de Nostre-Dame, durant laquelle procession fut sonnée Marie, pour ladicte sonnerie, 7 s. 6 d.
A Guillaume Porcheret et son compaignon, pour avoir fait guet nuit et jour ou clochier de plon, 35 s.;—en chandelles, 10 d.
En charbon pour les plommiers et verriers, 20 d.
* * * * *
En la sepmaine de la Toussaint commençant le 27e d'octobre.
A Jehan Perier, verrier, pour 3 jours qu'il a besongnié en la verrière de Sainct Lubin qui est près du clochier de plon et ès verrières de la chappelle aux Confesseurs, par jour 4 s.
A Yvonnet Pepin, pour un jour qu'il a servi ledit Perier et lui a aidié à mectre à pandre la corbeille, et à le monter et descendre tant comme il besognoit ès dictes verrières de ladicte chappelle, 2 s. 1 d.
A Jehan Douge, esveilleur, pour 3 jours et demi qu'il a besongnié à destaindre les chandelles et nectaier l'eglise, par jour 20 d.