A Monsieur le Marquis de Cœuures.
Satyre III.
Marquis, que doy-ie faire en ceste incertitude ?
Doy-ie las de courir me remettre à l’estude,
Lire Homere, Aristote, & disciple nouueau
Glaner ce que les Greqs ont de riche, & de beau,
Reste de ces moissons que Ronsard, & Desportes,
Ont remporté du champ sur leurs espaules fortes,
Qu’ils ont comme leur propre en leur grange entassé,
Egallant leurs honneurs aux honneurs du passé ?