Ou si continuant à courtiser mon maistre,
Ie me doy iusqu’au bout d’esperance repaistre,
Courtisan morfondu, frenetique, & resueur,
Portrait de la disgrace, & de la defaueur,
Puis sans auoir du bien, troublé de resuerie
Mourir dessus vn coffre en vne hostellerie,
En Toscane, en Sauoye, ou dans quelque autre lieu,
Sans pouuoir faire paix, ou trefue auecques Dieu.
Sans parler ie t’entends il faut suiure l’orage,
Aussi bien on ne peut où choisir auantage.