Nous viuons à tatons, & dans ce monde icy
Souuent auecq’ trauail on poursuit du soucy :
Car les Dieux couroucéz contre la race humaine
Ont mis auecq’ les biens la sueur, & la paine.
Le monde est vn berlan où tout est confondu :
Tel pense auoir gaigné qui souuent a perdu
Ainsi qu’en vne blanque où par hazard on tire,
Et qui voudroit choisir souuent prendroit le pire.
Tout depend du Destin, qui sans auoir esgard
Les faueurs, & les biens, en ce monde depart.