Sois entrant, effronté, & sans cesse importune :
En ce temps l’impudance eleue la fortune.
Il est vray, mais pourtant ie ne suis point d’auis
De degager mes iours pour les rendre asseruis,
Et sous vn nouuel Astre aller nouueau pilote
Conduire en autre mer, mon nauire qui flote,
Entre l’espoir du bien, & la peur du danger
De froisser mon attente, en ce bord estranger.
Car pour dire le vray c’est vn pays estrange,
Où comme vn vray Prothée à toute heure on se change,