Où les loys par respect sages humainnement,
Confondent le loyer auecq’ le chastiment,
Et pour vn mesme fait de mesme intelligence
L’vn est iusticié, l’autre aura recompence.
Car selon l’interest, le credit, ou l’apuy
Le crime se condamne, & s’absout auiourd’huy.
Ie le dy sans confondre en ces aigres remarques
La clemence du Roy, le miroir des Monarques,
Qui plus grand de vertu, de cœur, & de renom,
S’est acquis de Clement, & la gloire & le nom.