Or quant à ton conseil qu’à la cour ie m’engage,
Ie n’en ay pas l’esprit, non plus que le courage.
Il faut trop de sçauoir, & de ciuilité,
Et si i’ose en parler trop de subtilité,
Ce n’est pas mon humeur, ie suis melancolique,
Ie ne suis point entrant, ma façon est rustique,
Et le surnom de bon me va t’on reprochant,
Dautant que ie n’ay pas l’esprit d’estre meschant.
Et puis ie ne sçaurois me forcer ny me faindre,
Trop libre en volonté ie ne me puis contraindre,