Est quand vn Charlatan releue son langage,
Et de coquin faisant le Prince reuestu,
Bastit vn Paranimfe à sa belle vertu,
Et qu’il n’est crocheteur ny courtault de boutique,
Qui n’estime à vertu l’art où sa main s’aplique,
Et qui paraphrasant sa gloire, & son renom,
Entre les vertueux ne veuille auoir du nom.
Voilla comme à present chacun l’adulterise,
Et forme vne vertu comme il plaist à sa guise :
Elle est comme au marché dans les impressions,