Insensible il me tresne en la court du Palais,
Où trouuant par hasard quelqu’vn de ses valets,
Il l’appelle & luy dit, hola hau Ladreuille,
Qu’on ne m’attende point, ie vay disner en ville.
Dieu sçait si ce propos me trauersa l’esprit,
Encor n’est-ce pas tout, il tire vn long escrit,
Que voyant ie fremy, lors sans cageollerie,
Monsieur ie ne m’entends à la chicannerie,
Ce luy dis-ie, feignant l’auoir veu de trauers,
Aussi n’en est-ce pas, ce sont des meschans vers,