Le bon Dieu sçait comment à chaque fin de vers,
Tout expres ie disois quelque mot de trauers,
Il poursuit non-obstant d’vne fureur plus grande,
Et ne cessa iamais qu’il n’eust fait sa legende.
Me voyant froidement ses œuures aduouër,
Il les serre, & se met luy mesme à se loüer,
Doncq’ pour vn Caualier n’est-ce pas quelque chose :
Mais Monsieur n’auez-vous iamais veu de ma prose ?
Moy de dire que si : tant ie craignois qu’il eust
Quelque proces verbal, qu’entendre il me fallust.