Où gist le seul repos qui chasse l’Ignorance,
Ce qu’on voit hors de luy, n’est que sote aparance,
Piperie, artifice, encore ô cruauté
Des hommes & du tans, nostre mechanceté
S’en sert aux passions, & de sous vne aumusse,
L’Ambition, l’Amour, l’Auarice se musse :
L’on se couure d’vn frocq pour tromper les ialoux,
Les Temples auiourd’huy seruent aux rendez-vous :
Derriere les pilliers, on oit mainte sornete,
Et comme dans vn bal, tout le monde y caquette :