Son esprit vlceré iuge en sa passion,
Que son taint fait la nique à la perfection.
Le soldat tout-ainsi pour la guerre soupire
Iour & nuit il y pense & tousiours la desire,
Il ne resue la nuit, que carnage, & que sang,
La pique dans le poing, & l’estoc sur le flanc,
Il pense mettre à chef quelque belle entreprise,
Que forçant vn chasteau tout est de bonne prise,
Il se plaist aux tresors qu’il cuide rauager,
Et que l’honneur luy rie au milieu du danger.