Du bien, comme il aduient le plus souuent des pires,
Au moins estimez tels : c’est pourquoi sans errer,
Au sage bien souuent on les peut desirer,
Comme aux Prescheurs l’audace à reprendre le vice,
La folie aux enfans, aux Iuges l’iniustice.
Vien doncq’ & regardans ceux qui faillent le moins,
Sans aller rechercher ny preuues ny tesmoins,
Informans de nos faits sans haine & sans enuie,
Et iusqu’au fond du sac espluchons nostre vie.
De tous ces vices là, dont ton cœur entaché