Ha ! i’en rougis de honte & dépite mon âge,
Age de peu de force & de peu de courage,
Qui ne me permet pas en cest accouplement,
Donner ce qu’en amour peut donner vn amant :
Car, Dieu ! ceste beauté par mon deffaut trompee,
Se leua le matin de ses larmes trempee,
Que l’amour de despit escouloit par ses yeux,
Ressemblant à l’Aurore alors qu’ouurant les Cieux,
Elle sort de son lict hargneuse & depitee,
D’auoir sans vn baiser consommé la nuictee,