Cependant de la main animant ses discours,
Ie trompois impuissant sa flamme & mes amours,
Et comme vn tronc de bois, charge lourde & pesante,
Ie n’auois rien en moy de personne viuante :
Mes membres languissans perclus & refroidis,
Par ses attouchemens n’estoient moins engourdis.
Mais quoy ? que deuiendray ie en l’extresme vieillesse,
[Puis que ie suis rectif au fort de ma ieunesse.]
Et si las ! ie ne puis & ieune & vigoureux,
Sauourer la douceur du plaisir amoureux.