Il estoit presque iour, & le ciel souriant
Blanchissoit de clairté les peuples d’Oriant,
L’Aurore aux cheueux d’or, au visage de roses,
Desia comme à demy decouuroit toutes choses,
Et les oyseaux, perchez en leur feuilleux seiour,
Commençoient s’eueillant à se plaindre d’amour :
Quand ie vis en sursaut, vne beste effroyable,
Chose estrange à conter, toutesfois veritable,
Qui plus qu’vne Hydre affreuse à sept gueulles meuglant,
Auoit les dens d’acier, l’œil horible, & sanglant,