Quand de mille douceurs la faueur de Madame
Entretenoit mon ame,
Or que la triste absence en l’Enfer où ie suis,
D’vn piteux souuenir me tourmente & me tuë,
Pour consoler mon mal & flater mes ennuis,
Helas ! respondez-moi, qu’est-elle deuenuë ?
Où sont ces deux beaux yeux ? que sont-ils deuenus ?
Où sont tant de beautez, d’Amours & de Venus,
Qui regnoient dans sa veuë, ainsi que dans mes veines,
Les soucis & les peines ?