Hélas ! ie ne vy point sinon lors que i’y pense,
Ou lors que ie les vois, & que viuante en eux,
Ie puize dans leurs yeux vn venin amoureux.
Amour qui pour mon mal me rend ingenieuse,
Donnant tréue à ma peine ingrate & furieuse,
Les voyant me permet l’vsage de raison,
Afin que ie m’efforce apres leur guarison,
Me fait penser leurs maux, mais las ! en vain i’essaye
Par vn mesme appareil pouuoir guarir ma playe :
Ie sonde de leurs coups l’estrange profondeur,