N’osant suiure vn suiet où l’on ne peut attaindre,
I’imite les Romains encore ieunes d’ans,
A qui lon permetoit d’accuser impudans
Les plus vieus de l’estat, de reprendre, & de dire
Ce qu’ils pensoient seruir pour le bien de l’Empire.
Et comme la ieunesse est viue, & sans repos,
Sans peur, sans fiction, & libre en ses propos,
Il semble qu’on luy doit permetre dauantage,
Aussi que les vertus florissent en cest’ age
Qu’on doit laisser meurir sans beaucoup de rigueur,