Le Cotret de Mars, avec le fagot, la fascine et le gros bois, pour feu de joye à la France.
M.DC.XVI.
Petit in-8[315].
Mars inutile, en temps de tresve,
Pour ayder à fournir la Grêve,
S'amuse à tailler des cotrets:
Il y met cinq rameaux en nombre,
Tirez des halliers[316] de qui l'ombre
Gaste ainsi nos jeunes forests.
Tous les cinq sont divers d'escorce,
De tronc, de matière et de force;
Mais tous cinq, comme chacun sçait,
Sont propres pour un feu de joye
Dans le Royaume, afin qu'on voye
L'effect du pseaume trente-sept[317].
Le plus gros tizon, qui tout pare,
C'est l'homme à la fortune rare,
Roy de Metz, sieur de Cadillac[318].
Il est sec et de bois de tremble,
Depuis qu'il voit armer ensemble
Tant d'enquesteurs sur Ravaillac[319].
Il joint la Verge de Florence[320];
Mais leur bonheur a difference
D'un poinct que j'admire souvent:
C'est que l'un, tournant le derrière,
A gaigné la charge guerrière,
Et l'autre en poussant le devant.
Celuy qui sans O rien ne scelle,
Soubs qui la Justice chancelle[321],
En est le troisiesme baston,
Qui, couvert de cire bruslable,
Fors l'ecorce, a le cœur semblable
Aux arbres qui portent Cotton[322].