Obtexit arces caelitum ac summas domos
Inferna facies; denegat fructum Ceres;
Adulta et altis flava cum spicis cremat:
Arente culmo, sterilis emoritur seges,
Nec ulla pars immunis exitio vacat;
Sed omnis aetas pariter et sexus ruit,
Juvenesque senibus jungit, et gnatis patres
Funesta pestis; una fax thalamos cremat:
Fletuque acerbo funera et questu carent:
Quin ipsa tanti pervicax clades mali