Siccavit oculos; quodque in extremis solet,
Periere lacrimae; portat hunc aeger parens
Supremum ad ignem: mater hunc amens gerit,
Properatque; ut alium regerat in eumdem rogum.
Quin luctu in ipso luctus exoritur novus,
Suaeque circa funus exsequiae cadunt:
Tum propria flammis corpora alienis cremant.
Diripitur ignis; nullus est miseris pudor.
Non ossa tumuli sancta discreti tegunt.
Arsisse satis est; pars quota in cineres abit?