Horrida paedore, et pannis coöperta perire
Corporis inluvie: pellis super ossibus una,
Ulceribus tetris prope jam, sordique sepulta.
Omnia denique sancta deùm delubra replerat
Corporibus mors exanimis, onerataque passim
Cuncta cadaveribus caelestûm templa manebant.
Hospitibus loca quae complerant aedituentes.
Nec jam relligio divûm nec numina magni
Pendebantur: enim praesens dolor exsuperabat:
Nec mos ille sepulturae remanebat in urbe,