PEDANTE. Avemo baiulato li suppellettili…
GIACOCO. Che sopraletti e sottoletti?
PEDANTE. … et alia muliebria indumenta.
GIACOCO. Io non veo né muli né iommente. Va', frate mio, e fatte fare na cura co li mutilli, ca te purga ssi mali ammuri.
GIACOMINO. Costui se non è imbriaco da dovero, farnetica da buon senno.
GIACOCO. Dimmi, si' ommo o lombardo, si' iudío o cristiano, ca no te ntenno ca dici.
PEDANTE. Sum vir probus et circumspectus procul dubio.
GIACOCO. Ha nommenato ser Pruocolo da Puzzuolo: m'ave cèra de cristiano.
GIACOMINO. Sará qualche pedante.
GIACOCO. Ca bole da me sto sfecato sfritto varvaianne, co sta faccia gialliccia nzolarcata, co ss'uocchi scarcagnati ntorzati, co sso naso mbrognolato fatto a pallone, co ssi labruni da labriare co no zuoccolo? Mira ca vestiti scialacquati, ca a vedello me fa ridere senza che n'aggia voglia. Se stai mbriaco, va' vommeca e non me rompere la capo.