Dux prudens simulavit iter, quo callidus hostes
Redderet ancipites, nec quo trahat agmina scirent,
Vel tormenta ferat; sed tandem nocte peracta,
Prima luce Rubos tunc non ea bella timentes
Acriter invadit, pugnatur. At illa per omnem
Pugna diem trahitur, donec jam sole cadente,
Urbe manu forti nostri potiuntur adepta.
Diripitur, prædæque datur. Gens Gallica tota,
Cumque sua victus capitur Dux gente Paliza,
Tota per Aprutii Populos qui Regna tenebat,