Te canit, atque suum pubes miratur Osirim
Barbara, Memphitem piangere docta bovem.
Primus aratra manu solerti fecit Osiris,
Et teneram ferro sollecitavit humum.
Primus inexpertæ commisit semina terræ,
Pomaque non notis legit ab arboribus.
Hic docuit teneram palis adjungere vitem,
Hic viridem dura cædere falce comam.
Illi jucundos primum matura sapores,
Expressa incultis uva dedit pedibus.