CLEÆRETA
Quin si tu voles, domi servi qui sunt castrabo viros.
Postremo ut voles nos esse syngrapham facito afferas.
Ut voles, ut tibi lubebit, nobis legem imponito:
Modo tecum una argentum afferto, facile patiar cœtera.
Portitorum simillime, januæ lenoniæ:
Si affers tum patent: ei non est quod des, ædes non patent[205].
DIABOLUS
Agedum, istum ostende quem conscripsit syngraphum
Inter me et amicam et lenam: leges perlege