Ma ched'è, mo' mme ne cacce?
Amalia
( irritata, fremendo )
Vattenne!...
Annetiello
Me tuorne a di' vattenne?... 'Onn'Amá!... Ca io ve faccio assaggiá quacche brutto dispiacere!
Amalia
Tu?... Na vota mme putive ntussecá, ma mo' é fenuto 'o tiempo!
Annetiello
Se capisce! ( Amaro e ironico ) E c' 'o dice a fa? Io mo dint' a sta casa songo comme si fosse 'a mazza d' 'a scopa! Già, io sta casa 'a tengo pe lucanna e nient'ato!... 'A gente parla? E che mme ne mporta? Io faccio comme dice 'o si Rafele 'o ferracavallo: Lloro me iastemmeno e 'i ngrasso!... ( traballa ).