E pecchè?
Cristina
( timidamente )
Mme pozzo piglià na seggia?
Vito
( spallucciando )
Va, t' 'a piglia...
Cristina
( entra nella bottega, torna fuori con la seggiola. La colloca accosto a Vito e siede )
Te vulevo di' c'aggio avuto 'e ccarte... ( Vito è muto e perplesso ) Che c'è vuluto!... So' stata cchiù 'e n'ora e mmeza ncopp'a ll'ispezzione... ( Vito la guarda ) L'ispettore ha vuluto sapé tu comme te chiammave... Aggio ditto Vito Amante, fu Giuseppe... Iovè?... Fu Giuseppe?...