“Hic maneas, dixit, te sæpe deinde revisam.”
Arrisit, natamque pater sine teste reliquit.
Haud semel ignifero radiarant lumine currus,
Phæbe tui, dum lœta pecus Galatea marinum,
Gurgitis inter opes, viridanti paverat alga.
Interdum æquoreis linquens armenta molossis
Ibat, et in calathos modo tinctas murice conchas,
Et modo lucentes baccas contenta legebat.
Ver erat, et pictos zephyris mulcentibus agros,
Mense renidebat tellus lætissima Majo;