Aureus in liquidæ Sol brachia Thetidos ibat.
Deserere ima maris, solum conscendere littus
Ausa fuit virgo, non sic reditura sub undas.
Summa petens scopuli viridi sub rupe recessit,
Unde fretum, terrasque lubens circumspicit omnes.
Hic sedet, et pascens animos novitate locorum,
Miratur, facilesque oculos fert omnia circum.
Ut mediis vidit formosum fluctibus Acin
Æquora jactatis tranantem cana lacertis,
Versibus abstinuit, versus nam forte canebat;