Erubuit, turbata silet, suspiria ducit;
Nunc subeunt jussus, subeunt hortamina patris;
Jam cupiat tutis fugiendo immergier undis,
Nec potis est cupiens, et littore perdita inhæret:
Nunc libet et tacito cautæ latuisse sub antro,
Donec arenoso mutarit littore fluctus
Discedensque puer securam liquerit oram;
Pænitet inde fugæ, sistit, mavultque videri.
Corpora, cæruleas inter candentia lymphas,
Quam numeris perfecta suis! quam fortia pulsis