Crimina patrandi, sic dulce est dedecus illis!
At DEUS Omnipotens molimina cuncta fefellit.
Tale Vir induitur decus, observantia vultus
Tanta est, ut media medios in luce per hostes
Conspicuus, damno spatietur sospes ab omni.
Non, nisi magnorum scelerum bene cognitus usu,
Exitiale nefas peragendum suscipit ullus.
Cum tamen in prædam mens involat improba, (mirum!)
Dextera consilio refugit servire maligno.
Sævit in officium lethale ter apta voluntas,