Quem videt adversum, frendens evertit, et audax,
Quo plures oppugnabunt, magis æstuat ira;
Nec, jaculis acies horrens si provocat unum,
Segnior aggreditur moriturus in arma decore.
Ære salutanti, plausuque sequente faventum,
Ecce statim malo signum diverberat auras
Sanguineum, non enarrabilis omina cædis.
Turba modum nescit: Martis certamina poscunt.
Omnia rite parant; describitur ordine munus
Cuique suum, Navis dum pandas explicat alas.