Vulneribusque manet Vir non penetrabilis ullis.
At contra Stygias multos deturbat ad undas:
Irruit huc, atque huc; frustra nec fulminat ensis.
Cominus audenti ferrum huic in viscera condit;
Hunc hasta metuendum oblonga, corpore vasto,
Ductori similem tardos in bella vocantem,
Haud gemino plus ictu, hastili dejicit orbum:
Ille cadit mutilus; vitam efflat et alter anhelus:
Hic caput avulsum; jacet illic truncus: oberrant,
Quo visus cumque intendas, vaga crura, lacerti.