Talia suscipiens, Pubes Tibi paruit audax:
Nil factum est, cujus fieres non providus auctor.
Nec minus inde Tibi decoris, clarissime Nelson,
Qui rapuisse ferox Neptunia sceptra videris:
Tu prior ostendis, quæ Gens invicta peregit.
At QUI gestorum meliorem vendicat æquo
Jure SIBI partem, QUEM prima exordia Rerum
Spectant, me reticente quidem, non nesciet ullus.
Littora respondent, respondent æquora NOMEN.
Nautica Res, quondam celebres quæ reddidit Orbe,