Mars ensem torvus nudat: sed Pace tuenda,
Sed casta ut maneant veterum Decora alta Parentum.
Haud SIBI JOANNES Regni moderatur Habenas:
Gens Sua stat DOMINO studiis antiquior ullis.
Nobilis, aut Humilis; seu coram justa precatur,
Sive procul, Miles, Mercator, Nauta, Colonus;
Pro meritis, donis oneratus quisque recedit:
Mœrentem nullum dimiserit, Æquus in omnes:
Regia quinetiam præcurrunt munera votis,
Solaque Pœna venit pede claudo. Lysia, surge;