Князь же Володимер Ондреевич 1 не могли победы терпети и рече Дмитрию Волынцю 2: «Беда, брате, велика, что убо ползует наше стояние, тож на смех будет нам, да кому будет нам помощи». И рече ему Дмитреи: «Беда, княже, велика, не уж година 3 наша пришла: всяк бо начиная без времени, беду себе наносит. Мало еще потерпим до времени подобнаго и умолчим, в онже имам дати воздарие врагом нашим». Бедно зрети детем боярским своего полку убиваема, плачющуся и непрестанно рвущеся, аки соколы, аки званнии на брак сладкаго вина пити. Волынец же возбраняше им, глаголя: «Пождите мало, еще есть бо вам с кем утешитися». И приспе ж час осмыи, и абие 4 дух южны 5 потягну ззади их. Возопи Волынень гласом великим князю Володимеру: «час прииде, а время приближися». И паки рече: «Братиа моя и друзи, дерзайте…» И единомысленно из дубравы выехаша, яко уношенныя соколы, и ударишася на многи стада гусиныя, и стязи 6 крепко направлены грозным воеводою. Бяше ж отроци, аки лвом и ударишася на овчия стада.
ПОРАЖЕНИЕ ТАТАР
Погании ж, видевше и крикнувше, глаголяще: «увы нам, паки Русь умудриша, унши люди с нами брашася, а доблии все соблю-дошася» 7. И обратишася погании и даша плеща 8 и побегоша…
Момаи же, видев победу свою и рече своим улусом: 1 «Побегаем, брате, и ничто ж добра 2 не имам, но токмо головы унесем свои». И абие побеже с четырма мужи. Мнози ж христьяне за ним гонишася, но не одолеша: кони бо их потомишася, и гонивше возвратишася. И обретоша трупия мертвых обонпол 3 реки Непрядвы, иде ж бе непроходно полком русским…
ПОИСКИ ВЕЛИКОГО КНЯЗЯ ДИМИТРИЯ
Князь же Володимер Ондреевич ста на костех 4 татарских под черным знамянем, и не обрете брата своего великого князя Дмитрея Ивановича в полку, токмо едины князи литовские. И повеле трубити собранною трубою и пожда час не обрете брата своего великого князя, нача плакатися и кричати и по полком ездити и не обрете брата своего. И глагола: «Братия моя, кто виде или кто слыша своего пастыря 5, то перво поражен пастыр и овца разыдутся». И рекоша князи литовския: «Мы мним 6, яко жив есть, но уязвен 7 велми: егда в трупе мертвых будет». А иной рече: «Аз пятого часу видех его крепко бьющеся с четырма татарины, но нужно бе ему велми». Юревской ж уноша 8 некто Степан Новосилскои: «Аз видех его пред самым твоим приходом, пеша идуща с побоища, но уязвлена велми, того бо деля не дах ему коня, гоним есми трема татарины: по милости божий едва от них спасохся, а его есми соблюл». И рече княз Володимер Ондреевич: «Да известно ли еси видел его. Имите ми, брате, веру: аще кто обращет брата моего, то по истине боле у нас будет». Рачителнии ж отроци разсунушася по побоищу по великому. Овии ж наехаща Михаила Александровича Бренка и чаяша его великим князем. Инии ж наехаша князя Федора Семеновича Белозерского и чаяша его великим князем, занеже приличен бяше.
Некий ж воини, великий витязи уклонишася на десную страну 9 в дубраву, единому имя Сабур, а другому Григореи Холопищев, родом же оба костромичи. И мало выехаша с побоища, наехаша великого князя, бита велми и отдыхающа под древом березою, и видевше его и скочиша с коней и поклонишася ему. Сабур же скоро возвратися ко князю Володимеру Ондреевичю и поведа ему, яко княз великий добр здров…
И приведоша ему (великому князю) конь кроток и всед на него, выеха на побоище. И виде многое множество битых, войско свое, а поганых вчетверо того избито. И обратися к Дмитрею Волынцу и рече: «Воистину многоразумен еси человек, и неложна примета твоя, подобает ти всегда воеводствовати». И нача з братом своим и со оставшими князи ездити по побоищу, радостныя слезы испущающе. И наехаша место, на нем же лежит 15 князей белозерских, убитых вкупе, толми напрасно бьющеся един единаго ради умре. И близ ту лежит убит Микула Васильевич 1 … И паки на иное место приехал, и наехал любовника 2 своего Михаила Ондреевича Бренка 3 и близ его лежит Семен Мелик 4, твердый страж, и близ его Тимофеи Волуевич 5. Над ними ж став князь великий, плакася и рече: «Братия моя милая, моего деля образа Михайло убиен еси…» Прииде ж на иное место, обретоша Пересвета 6 чернца и близ его лежаща нарочитаго богатыря Григорья Капустина. И рече князь великий: «Братия, видите ли своего чиноначалника, той бо победи подобна себе, от него же было пити многим людем горкую чашу».
И став на месте своем, повеле собранною трубою трубити. Храбрыя ж довольно испыта оружия своя о сыны измалтеския 7, со всех стран 8 грядуще, аки соколи слетаются под трубный глас весели, ликующе…